inklusioa

Eskola inklusiboan haur guztiek kalitatezko hezkuntzarako sarbidea dutela bermatu behar da, haur guztiei aukera berdinak emanez hezkuntza ibilbide arrakastatsua izateko. Ikasle guztien beharren aniztasunari heltzeko eta erantzuteko prozesutzat hartzen da, ikaskuntzan, kulturan eta komunitateetan praktika inklusiboak eginez, egituretan eta estrategietan aldaketak egitea eskatzen du (Moliner, 2013). Hezkuntza inklusiboak aniztasunaren adierazpen guztiak hartzen ditu aintzat: hizkuntza, kultura, gaitasunak, sexu-orientazioa, generoa eta baliabide sozioekonomikoak.